Македонскиот прволигаш Пелистер имаше успешна проверка на формата во пресрет на стартот на пролетниот дел од првенството во Првата лига. Тимот на Димитар Капинковски ја совлада Победа со 2-0, а стрелец на двата гола беше Иван Пејаковиќ.
„Зелените“ беа без неколку првотимци, но, сепак, покажаа дека се добро подготвени за почетокот на пролетната полусезона.
Пелистер во првото пролетно коло му гостува на Вардар во Скопје. Најтрофејниот македонски клуб уште ги нема почнати подготовките поради финансиски проблеми.
