Пелистер го „врза“ талентот Талевски на три години

Македонскиот прволигаш Пелистер мисли на иднината. Раководството на клубот потпиша тригодишен договор со талентиралниот млад фудбалер Михаил Талевски. Тој имаше одлични настапи во есенскиот дел од сезоната, а тренерот Димитар Капинковски сериозно смета на него во ростерот и за претстојната пролет. 

16-годишниот напаѓач потпиша тригодишен професионален договор и останува под „Тумбе кафе“. 

Пелистер досега во зимскиот преоден рок ги доведе Дарко Размоски, Ристе Илијовски и Омар Гоудијаби.