Нов фудбалер на македонскиот второлигаш Пелистер е Борјан Пановски. Младиот фудбалер кој доаѓа од редовите на Гостивар, а има настапувано и за Работнички, Охрид и за Тетекс. Игра по десната страна, а може да настапува и како десно крило или десен бек.
„Чест ми е да настапувам за ваков клуб како што е ФК Пелистер и сметам дека заеднички ќе ја оствариме зацртаната цел а тоа е ПМФЛ“, изјави Борјан Пановски.
Тој веќе го одработи и првиот тренинг со тимот. Пановски парафираше договор на една година со ФК Пелистер.
