Пелистер ги доведе Благоја Љамчевски и Илче Петровски

Македонскиот второлигаш Пелистер го почна проектот за експресно враќање во елитата. Раководството на клубот ги договори првите засилување, доведени се двајца прволигашки играчи.
Благоја Љамчевски се врати во Битола, а доаѓа од редовите на прволигашот Тиквеш. Тој во Првата лига настапува од 2008 година.

Второто засилување е голманот Илче Петровски кој доаѓа од редовите на прволигашот Брегалница, а има настапувано за повеќе прволигашки екипи и има меѓународно искуство во екипите на Омонија , Бихаќ , Кастриоти и Поградеци.