„Кралот на фудбалот“ Пеле верува дека неговата земја Бразил може да ја освои рекордната шеста светска титула на СП во Катар.
82-годишниот Пеле истакна дека има целосна доверба во селекторот Тите и 26-те играчи кои ги повикал.
Легендарниот Бразилец на Инстаграм позираше со дрес на „кариоките“ од деновите кога играше. Како фудбалер, Пеле го освои Светското првенство трипати – во 1958, 1962 и во 1970 година.
„Последниот пат кога го облеков овој дрес, ја освоивме третата ѕвезда на грбот. Сега имаме пет и едвај чекам да ја ставиме шестата ѕвезда“, изјави Пеле, кој е единствениот играч кој освоил три светски титули.
