Бразилската фудбалска легенда, Едсон Арантес до Насименто Пеле, вчера повторно е хоспитализиран поради канцерот на дебелото црево со кој се бори од минатата година. Тој продолжи со хемотерапијата, но лекарите уверуваат дека неговата здравствена состојба е нормализирана.
„Состојбата на Пеле е стабилна и тој наредните денови ќе биде пуштен од болница на домашно лекување“, се вели во соопштението на клиниката „Алберт Ајнштајн“.
Пеле има 81 година, а во својата богата фудбалска кариера трипати беше светски шампион со „кариоките“ во 1958, 1962 и во 1970 година.
