Педри најдобар млад фудбалер на Европското првенство

Шпанскиот репрезентативец Педри е избран за најдобар млад фудбалер на ЕВРО 2020. Тој со 18 години беше стартер на сите натпревари и еден од големите адути на селекторот Луис Енрике.

Педри одигра 629 минути на Европското првенство, а и покрај поразот од новиот европски шампион Италија, Педри во полуфиналето прикажа фантастична игра, имаше 65 комплетирани додавања од 66 обиди.

„Она што го направи Педри, досега го нема направено никој. Дури ниту Андрес Иниеста. Тој е уникат, неверојатен е“, изјави Луис Енрике.