Потпретседателот на Јувентус, Павел Недвед, е најновиот позитивен на Ковид-19 во редовите на Јувентус. Тој е веќе во самоизолација и за среќа изминатите денови немал контакти со фудбалерите и стручниот штаб на „старата дама“.
Недвед остана да го следи дуелот против Наполи во домашен амбиент.
Јувентус вечерва е домаќин на Наполи во дербито на колото во Серија А. Елиф Елмас во последен момент влезе во тимот на Наполи откако покажа дека веќе нема симптоми на Ковид-19 и имаше два негативни теста.
