Напаѓачот на Рома, Пауло Дибала, повторно одби понуда од Саудиска Арабија, известуваат италијанските медиуми. Ал-Кадсија му понуди на Аргентинецот четиригодишен договор вреден 100 милиони евра, односно 25 милиони евра по сезона, но тој одлучи да остане во Рома затоа што сака да освои трофеј со тимот.
Договорот на 30-годишниот фудбалер содржи две одделни клаузули за италијански и за странски клубови, а тие можеа да бидат активирани до 31 јули.
Во минатата сезона Пауло Дибала постигна 16 гола и забележа 10 асистенции во 39 натпревари.
Ал-Кадсија е нов клуб во елитата на Саудиска Арабија. Тимот веќе се засили со Езекиел Фернандез од Бока Хуниорс, Пјер-Емерик Обамејанг од Олимпик Марсеј, Начо Фернандез од Реал Мадрид, Наитан Нандез од Калјари и Коен Кастелс од Волфсбург.
