Борусија Дортмунд се приближува до потпишување на договор со Паскал Грос од Брајтон, тврди „Скај Германија“. Преговорите со клубот од Премиер – лигата се во завршна фаза, а Брајтон очекува отштета од околу 10 милиони евра за искусниот фудбалер за врска.
Грос треба да потпише договор со Борусија Дортмунд до 2027 година.
Паскал Грос е дел од селекцијата на Германија на Европското првенство и сѐ ќе биде реализирано по завршувањето на шампионатот.
Претходно, Борусија Дортмунд го договори трансферот на уште еден германски репрезентативец, Валдемар Антон од Штутгарт.
