Германскиот бундеслигаш Борусија Дортмунд го официјализираше трансферот на Паскал Грос. 33-годишниот фудбалер од средниот ред се враќа во Бундес-лигата, откако имаше одлични настапи за англискиот премиерлигаш Брајтон.
„Со нетрпение го очекувам почетокот на мојата авантура во Боруија Дортмунд. Ова е огромна работа за мене бидејќи од дете сум навивач на Борусија, а сега ќе добијам шанса и да заиграм за мојот омилен клуб. Верувам дека ќе ја оправдам довербата на управата која инсистираше да ме донесе“, изјави Грос по потписот на договорот.
Паскал Грос потпиша двегодишен договор со Борусија Дортмунд, а претходно седум сезони го носеше дресот на Брајтон.
