„Пандевци“ го возвратија ударот (ФОТО)

Академија Пандев успеа да слави важна победа (0-2) против Работнички на Националната арена „Тодор Проески“. Со овие три бода направи голем чекор напред за бегство од опасната зона на табелата и истовремено го возврати ударот кон „романтичарите“ за поразот во Струмица во првото пролетно коло.

Марио Крстовски во 11.минута погоди со удар со глава, а Кристијан Велиновски во 77.минута го потврди триумфот. Многу важна улога одигра и голманот Марко Јовановски кој му одбрани пенал на Никола Прелчец во 45.минута.