Горан Пандев, кој беше дел од златната генерација на Интер, која во 2010 година, под водство на Жозе Мурињо, освои тројна круна, смета дека италијанскиот тим има шанси да стигне до пехарот во финалето на Лигата на шампионите.
Интер в сабота во Истанбул ќе ја има финалната пресметка против Манчестер Сити во елитното европско клупско натпреварување.
„Сити на хартија делува како фаворит. Но, Интер секако може да го стави Сити во тешка позиција. Да, Сити е тим кој ќе ги турне назад, кон голот, но тоа го стори и Баерн против нас во 2010 година и не успеа да победи. Мислам дека ќе победи тимот што ќе успее да ги издржи подобро сите напори, физичката подготовка може да направи разлика“, изјави Пандев за италијанските медиуми.
