МАКФУДБАЛ на ЕВРО во Амстердам,
Никола Ѓуровски
Холандија поведе со 1-0 на дуелот против Македонија на „Јохан Кројф арена“ со голот на Мемфис Депај во 24.минута. Претходно, Горан пандев беше фаулиран пред шеснаесетникот на домаќинот, судијата Иштван Ковач не досуди ништо, Холанѓаните продолжија во противнапад и Мемфис Депај од десетина метри ја затресе мрежата на Столе Димитриевски. Ниту по прегледување на ВАР – снимката не беше констатиран фаул на Пандев и погодокот беше признат.
Претходно, Александар Трајковски можеше да донесе предност за Македонија во 22.минута. Тој со одличен шут од 25 метри го погоди дирекот од голот на Мартин Стекеленбург.
