Падна договор: Брозовиќ се сели во Ал-Наср, Интер добива 18 милиони евра

Хрватскиот играч за врска Марсело Брозовиќ по долги преговори ќе стане нов член на Ал-Наср.
Брозовиќ не сакаше да го напушти Миланo, но Интер на секој начин се обидуваше да го убеди да се пресели во Саудиска Арабија бидејќи им беше неопходна финансиска инјекција.

По долги преговори Интер успеа во намерата – Брозовиќ ќе стане нов фудбалер на Ал Наср во трансфер вреден 18 милиони евра.

Тој ги помина лекарските прегледи во Париз и ќе потпише тригодишен договор кој ќе му донесе околу 100.000.000 евра.

Интер се обидува да собере пари да го купи Давиде Фратези од Сасуоло чија вредност е околу 35 милиони евра.