Германскиот интернационалец Месут Озил е пред трансфер во Фенербахче. Одличниот играч за врска кој долг период не игра за Арсенал поради одлука на менаџерот Микел Артета, најверојатно ќе се пресели во Турција шест месеци пред истекот на неговиот договор со „топчиите“. И како што вели, Фенербахче е клубот за кој навива од дете.
„Пораснав како фан на Фенербахче. Во Германија, секој во земјата што имаше турско потекло имаше и омилен тим од турското првенство. Мој омилен тим беше Фенербахче и целиот живот навивам за овој клуб. Фенер е како Реал во Шпанија, најдобриот тим во државата“, изјави Месут Озил.
