Норвешкото голгетерско чудо Ерлинг Халанд е најпосакуваниот фудбалер на трансфер-маркетот во Европа заедно со Килијан Мбапе. Најголемите европски клубови стојат во редот за потписот на напаѓачот на Борусија Дортмунд, а директорот на неговиот поранешен клуб Салцбург, Криштоф Фројнд, ги разочара со својата изјава. Тој откри каде ќе замине Халанд.
„Тој ќе оди во Ливерпул. Нема долго да се задржи во Дортмунд како што не остана и кај нас. Сепак, ние сме горди што го носеше дресот на Салцбург шест месеци“, изјави директорот на Салцбург.
Ерлинг Халанд има договор со Борусија Дортмунд до јуни 2022 година и отштетна клаузула од 75 милиони евра. За него најголем интерес покажуваат Реал Мадрид, Барселона и Манчестер Сити.
