Шкендија ремизираше без голови против Брегалница, а тоа не е најпосакуваниот резултат за тетовци. Тренерот Ќатип Османи вели дека не е задоволен од играта и од крајниот епилог.
„Во првото полувреме ни недостигаше креативност. Во вториот дел се подобривме и мислам дека заслуживме да победиме. Во неколку шанси ја немавме потребната среќа пред противничкиот гол. Иако постигнавме многу голови во претходните мечеви, очигледно е дека имаме проблеми со реализацијата“, смета Османи.
Шкендија го дели второто место со Тиквеш, со значително заостанување во однос на лидерот Струга Трим Лум.
