Ќатип Османи очекувано е разочаран од катастрофалниот старт на сезоната на Шкендија и двата порази од Академија Пандев и од Силекс. Искусниот стратег ја прифаќа одговорност за слабите резултати, но потенцира дека одлуката за евентуална тренерска смена мора да ја донесе управата.
„Секогаш велам дека кога победуваме играчите се најзаслужни, а кога губиме тренерот е најодговорен. Лично чувствувам одговорност, но ние во клубот во целиот овој период сме заедно, ги анализираме сите случувања. Одлуките ги носат тие што се над мене, јас можам да кажам дека сум свесен за целата ситуација и најнормално би ја прифатил било која одлука на сопствениците на клубот“ – вели Османи.
Според тренерот на Шкендија, неговиот тим има игра, но се е попусто кога создадените шанси не се реализираат.
„Очигледно е дека се наоѓаме во резултатска криза, нормално е потоа тоа да има влијание и врз самодовербата на фудбалерите. Ако ги гледате снимките од нашите средби, за неверување е како успеваме да имаме толку промашување. Значи не е проблем дека немаме игра, напротив, лесно создаваме шанси, но наша болка е ефикасноста, односно неефикасноста. Во минатото ни се случувало да примаме по два гола на натпревар, но да постигнуваме по 4-5, сега губиме средби со по 1-0“ – истакнува Ќатип Османи.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski