Белгискиот голман Тибо Куртоа се здоби со нова повреда која ќе го оддалечи од терените дополнителни два месеци. Тој мораше да паузира шест месеци поради скинати лигаменти на коленото, но сега го повредил менискусот на другата нога.
Куртоа во солзи го напуштил денешниот тренинг на Реал Мадрид, со оглед дека е неизвесно дали ќе успее да се опорави навреме и да се подготви за настап на Европското првенство.
Реал Мадрид цела сезона е без Куртоа на голот, но има одлични решенија во Лунин и во Кепа Аризабалага.
