Норвешкото голгетерско чудо Ерлинг Халанд тероризира уште на стартот од сезоната во Премиер – лигата. Тој постигна нов хет-трик, и тоа само за едно полувреме во триумфот од 6-0 на Манчестер Сити против Нотингем Форест. Тој стрелаше во 12., 23. и во 38.минута. Во вториот дел погодија и Жоо Кансело, како и Хулијан Алварез кој беше двоен стрелец.
Арсенал има „пет од пет“ откако успеа да ја победи и Астон Вила на „Емирати“ со 2-1. Габриел Жесус донесе водство во 30.минута, израмни Даглас Луиз во 74.минута, но само три минути подоцна погоди Мартинели за нов триумф на „топчиите“.
