Одличниот стратег Никола Кузманов нема да ја предводи Слога Виница и следната сезона. Тој не успеа да се договори со раководството на клубот за нова соработка.
„Не успеавме да се договориме со раководството на клубот за продолжување на соработката за следната сезона. Заминувам од клубот, горд на постигнатиот резултат во минатото првенство. на Слога и посакувам успех понатаму“, изјави Никола Кузманов.
Слога Виница речиси до крајот на шампионатот беше на самиот врв во Втората лига Исток и потклекна во самиот финиш.
