Легија Варшава го победи Видзев Лоѓ со 2-1 во натпреварот од 14. коло на полската Екстракласа. Легија поведе со голот на Капустка во 36. минута, а изедначи Керк пет минути подоцна. Победата на Легија ја обезбеди Вжолек во 87. минута. Со оваа победа, Легија се искачи на петтото место на полското првенство.
Натпреварот беше обележан и со спектакуларното пиротехничко шоу на домашните навивачи. Навивачите на Легија се познати по своите спектакуларни кореографии, а овојпат ја организираа најголема бакљада во историјата на клубот, палејќи 800 факели и создавајќи неверојатна атмосфера на стадионот во Варшава.
Пред „бакљадата“, Легија организираше светлосно шоу во клубските бои, а на натпреварот беа претставени и новите дресови на клубот.
На дресовите пишува: „Историјата, идентитетот и лојалноста го обликуваа овој клуб со години. За нас, тоа е повеќе од бои“.
Светлосното шоу траеше околу три минути, а навивачите се подготвувале за „бакљадата“ повеќе од три часа.
Факелите гореа на две трибини, а нешто слично навивачите на Легија направија пред 20 години кога ја подигнаа познатата кореографија „Добредојдовте во пеколот“.
Легија е најуспешниот полски клуб на сите времиња. Минатата сезона заврши третопласирана, а 15 пати стана државен првак, последен пат во 2021 година.
