Не си оди од „Итихад“: Кевин де Бруин ќе потпише нов договор со Манчестер Сити

Фудбалерот од средниот ред на Манчестер Сити, Кевин де Бруин, ќе потпише нов договор со клубот, тврдат медиумите на Островот.

Според информациите, 32-годишниот Белгиец има намера да остане во англискиот шампион и покрај интересот на клубови од Саудиска Арабија.

Актуелниот договор на Де Бруин со Манчестер Сити е до 30 јуни 2025 година. Во сезоната 2023/24, играчот од средниот ред одигра 26 натпревари, постигна шест гола и забележа 18 асистенции иако во одреден период од сезоната беше и повреден.