Италијанскиот калчолигаш Наполи ќе се обиде да го доведе левиот бек на Арсенал, Киран Тирни, по завршувањето на сезоната. Тој беше во плановите на „наполитанците“ и минатото лето, но побрз беше Арсенал, кој успеа да го купи од Селтик. Сега раководството на Наполи сака да ја исправи грешката и од втор обид да го ангажира левиот бек кој е голема желба на Џенаро Гатузо.
На Наполи итно му е потребно решение на левата бековска позиција, па ќе се обиде да влезе и во трката за шестмесечна позајмица на Емерсон Палмиери од Челси. За него се интересира и Интер.
