Наполи е блиску до доведување на крилниот напаѓач на Бенфика, Давид Нерес. Двата клуба се во напредни преговори за 27-годишниот фудбалер, информираат италијанските медиуми.
Лисабонскиот гигант ја очекува финалната понуда од „партенопеите“ за напаѓачот. Се очекува дека договорот ќе биде вреден околу 25 милиони евра, вклучувајќи ги и бонусите.
Давид Нерес веќе ги договорил своите лични услови со италијанскиот клуб.
Нерес дојде во Бенфика во летото 2022 година од Шахтјор Донецк. Тој има одиграно 83 натпревари за „орлите“, во кои постигна 17 гола и забележа 26 асистенции.
