Дефанзивецот на Наполи, Амир Рахмани, ќе паузира неколку недели по повредата на мускулот, потврдија од клубот. 29-годишниот косовски репрезентативец го напушти теренот на гостувањето кај Брага во Лигата на шампионите во 13. минута.
Рахмани минатата сезона беше клучен дел од тимот на Наполи кој ја освои титулата.
Тестовите потврдија дека Рахмани има лесно истегнување на мускулот на левата натколеница, повреда која ќе го исклучи од претстојниот дуел со Болоња. Веројатно ќе отсуствува околу две до три недели.
„Наполитанците“ се и без Јенс Кајусте кој исто така има мускулна повреда.
