Ждрепката за плејофот од Лигата на шампионите ќе се одржи денес во Нион со почеток во 12 часот.
Осум екипи веќе изборија пласман во осминафиналето, додека 16 екипи ќе играат во плејофот.
Првите осум клуба кои директно се пласираа во осминафиналето се Ливерпул, Барселона, Арсенал, Интер, Атлетико Мадрид, Баер Леверкузен, Лил и Астон Вила.
Во плејофот ќе играат: Аталанта, Борусија Дортмунд, Реал Мадрид, Баерн Минхен, Милан, ПСВ, ПСЖ, Бенфика, Монако, Брест, Феенорд, Јувентус, Селтик, Манчестер Сити, Спортинг и Клуб Бриж.
На денешната ждрепка, носители ќе бидат екипите пласирани од 9. до 16. место, додека неносители ќе бидат оние од 17. до 24. позиција.
Екипите се групирани така што, на пример, деветтопласираната и десеттопласираната екипа ќе бидат извлечени со оние на 23. и 24. место. Ако деветтопласираната е извлечена против 23-пласираната, тогаш десеттопласираната ќе игра против 24-пласираната.
Голем спектакл во плејофот е неизбежен
Реал Мадрид е 11-ти, а Баерн Минхен 12-ти, додека Манчестер Сити е 22-ри. Тоа значи дека екипата на Гвардиола ќе игра против Реал или Баерн.
Она што е сигурно е дека и Реал и Баерн ќе посакуваат во плејофот да го извлечат 21-пласираниот Селтик.
Исто така, можно е да гледаме дуел помеѓу два италијански гиганти – Јувентус и Милан, што би било спектакуларна реприза на финалето од 2003 година.
📌 Носителите ќе ги играат реваншите на домашен терен.
Плејоф двојки
🔹 Монако/Брест 🆚 ПСЖ/Бенфика (победниците ќе играат во 1/8 финале против Ливерпул или Барселона)
🔹 Спортинг/Клуб Бриж 🆚 Аталанта/Борусија Дортмунд (во 1/8 финале против Лил или Астон Вила)
🔹 Селтик/Манчестер Сити 🆚 Реал Мадрид/Баерн Минхен (во 1/8 финале против Атлетико или Баер Леверкузен)
🔹 Феенорд/Јувентус 🆚 Милан/ПСВ (во 1/8 финале против Арсенал или Интер)
📅 Датуми на натпреварите
▶️ Први натпревари: 11 и 12 февруари
▶️ Реванши: 18 и 19 февруари
▶️ Осминафинале: 4 и 5 март, 11 и 12 март
