Португалскиот фудбалер Луис Нани повеќе не е играч на Венеција, потврди денеска италијанскиот клуб.
Нани и Венеција го раскинаа договорот со взаемна согласност, бидејќи Венеција не успеа да избори опстанок во Серија А минатата сезона.
Португалецот одигра 10 натпревари во дресот на Венеција и забележа една асистенција.
Покрај за Венеција, Нани настапуваше и за Спортинг, Лацио, Валенсија, Фенербахче и за Манчестер Јунајтед.
Нани за португалската репрезентација забележа 112 настапи и постигна 24 гола.
