Тренерот на Баерн Минхен, Џулијан Нагелсман, го заштити Лирој Сане откако навивачите го исвиркуваа поради слабата игра на натпреварот против Келн (3-2).
Германскиот репрезентативец не ги прикажува игрите што се очекуваат од него. На полувреме беше заменет, а навивачите го исвиркаа.
Тренерот на баварскиот клуб застана во одбрана на својот играч и смета дека свирежите од трибините не носат ништо добро.
„Многу луѓе што седат на трибините исто така прават грешки на работа. Лирој не оди на работа кај нив и не свирка кога работите не одат како што се планирани. Свирежите не носат ништо добро”, истакна Нагелсман.
