На стартот на Серија A: Милан домаќин на Удинезе, Наполи гостува кај Верона

Милан ќе ја стартува одбраната на титулата во Серија А на домашен терен против Удинезе, одреди ждребот на календарот за следната сезона во италијанската фудбалска елита. Во прво коло, Интер ќе гостува кај новакот Лече, а Наполи на Елиф Елмас го очекува гостување кај Верона.

Аспирациите за враќање на врвот Јувентус ќе ги почне против Сасуоло. Во исто време, Монца на Силвио Берлускони ќе биде домаќин на Торино.

Првото издание на миланското дерби е во петтото коло, викендот на 4 септември, а второто ќе биде околу 5 февруари.