Талентираниот играч за врска на Баерн Минхен, Џамал Мусијала е позитивен на коронавирусот и е надвор од тимот на Џулијан Нагелсман за дуелот со Плзен во Лигата на шампионите. Според „Билд“, тој се уште има шанса да се врати за натпреварот против Фрајбург во недела. Ова ќе се случи ако тестот на Мусијала е негативен за пет дена.
Минатата недела Томас Милер и Џошуа Кимих имаа позитивни тестови поради кои го пропуштија претходниот меч со Плзен, во кој Баварците го прегазија чешкиот шампион со 5-0. Милер не играше ниту на дербито со Борусија Дортмунд во кое Кимих влезе како резерва.
Мусијала импресионираше од почетокот на сезоната и веќе има седум гола и шест асистенции на 12 натпревари за Баерн Минхен во сите натпреварувања.
