Италијанскиот репрезентативец Андреа Белоти ја избра Рома за своја следна дестинација. Тој веќе не е под договор со Торино и е слободен во изборот на нова средина.
Се споменуваа многу клубови, но, како што откриваат медиумите на Апенините, напаѓачот одлучил кариерата да ја продолжи во Рома.
Така, по Пауло Дибала, Жозе Мурињо ќе добие уште еден фантастичен напаѓач во својот тим.
Белоти е член на Торино од 2015 година. За „биковите“ одигра 270 натпревари во Серија А и постигна 106 гола.
