Леонардо Спинацола ќе мора да паузира подолго време поради повредата на Ахиловата тетива, што го принудува новиот тренер на Рома, Жозе Мурињо да бара играч кој ќе ја засили конкуренцијата на левата бековска позиција во неговиот тим. Неговата желба е Марсело, бразилскиот интернационалец од Реал Мадрид.
Спинацола се повреди во финалето на четвртфиналната проба на Европското првенство во кое Италија ја совлада Белгија со 2-1. Подоцна се дозна дека тој е повреден и дека ќе мора да се подложи на операција, а потоа и на рехабилитација, поради што му претстои пауза од шест месеци.
Мурињо, кој штотуку пристигна во Рим, би сакал да го види Марсело од Реал Мадрид на „Олимпико“, но тоа ќе биде тешко изводливо поради фактот што Бразилецот е именуван за нов капитен на „кралскиот клуб“ по заминувањето на Серхио Рамос и тренерот Карло Анчелоти сериозно смета на него за претстојната сезона.
