Селекторот на швајцарската фудбалска репрезентација Мурат Јакин ќе ја предводи селекцијата и на Европското првенство следната година, потврдија денеска од Швајцарската фудбалска федерација.
Швајцарија се квалификуваше за ЕП 2024 во Германија, иако победи само против Андора во последните седум квалификациски натпревари.
Сепак, групата беше таква што им дозволи на Швајцарците да ги издржат бројни неуспеси без „лузни“ и да завршат на второто место на табелата, зад Романија.
На последните натпревари се појавила тензија меѓу селекторот и главните играчи како Гранит Џака и Мануел Аканџи.
Гласањето за доверба доаѓа четири дена пред Јакин да присуствува на ждрепката на ЕУРО во Хамбург.
„Иако одигравме четири нерешени и еднаш загубивме во последните квалификациски натпревари, Мурат Јакин ја има нашата целосна доверба“, изјави претседателот на Швајцарската фудбалска асоцијација, Доминик Блан.
Мурат Јакин е на клупата на Швајцарија од август 2021 година и го предводеше тимот до Светското првенство минатата година во Катар, бидејќи тимот заврши пред Италија во квалификациите.
Во Катар, Швајцарија во групата ги победи Камерун и Србија и загуби од Бразил, пред да биде елиминирана од Португалија со 6-1 во осминафиналето.
