Јусуфа Мукоко со 16 години и 18 дена стана најмладиот фудбалер кој настапил во Лигата на шампионите, а Борусија Дортмунд со пресврт стигна до триумф (1-2) против Зенит и го потврди првото место во групата Ф со 13 освоени бода. Лацио одигра 2-2 дома против Клуб Бриж кој играше со играч помалку во поголем тек од мечот.
Дриуси донесе водство за Зенот, но Пишчек и Витсел се погрижија за целосен пресврт.
Кореа донесе предност за Лацио, Вормер брзо израмни, но Чиро Имобиле од пенал повторно донесе водство во 27.минута. Клуб Бриж од 39.минута остана со играч помалку поради исклучувањето на Собол, но белгискиот тим сепак стигна до израмнување во вториот дел со голот на Ханс Ванакен.
