Поранешниот фудбалер и неодамнешен член на стручниот штаб на Гостивар, Муарем Муарем, се приклучи на тимот на Шкупи. Тој ќе ја извршува функцијата помошник тренер на актуелниот шеф на стручниот штаб, Ердем Алпарслан.
Муарем, кој кратко настапуваше за Шкупи како фудбалер, оваа сезона беше назначен за главен тренер на Гостивар, каде оствари импресивен резултат, без пораз во девет одиграни натпревари.
Покрај Муарем, дел од стручниот штаб на Шкупи се и Минас Османи, Ферид Весели и Емре Инан.
