Белгискиот интернационалец Мичи Батшуаи потпиша договор со Фенербахче. Иако требаше да потпише за Нотингем Форест, Мичи Батшуаи на крајот заврши во Турција. Напаѓачот има договор со Челси до летото 2023 година, но прашањето за неговата иднина беше решено во последен момент.
Поранешниот фудбалер на Олимпик Марсеј не играше најдобро во Челси, кој во изминатите сезони го испраќаше на различни позајмици. Сега имаше план повторно да замине од Лондон и практично беше договорен трансфер во Нотингем Форест, но се пропадна во последните минути од преодниот рок.
Челниците на Челси и Нотингем договорија се и се чинеше дека Батшуаи сигурно оди во овој клуб, но по полноќ беше потврдено дека на крајот ништо нема да излезе од тоа.
Имено, клубовите не ја испратија навреме документацијата околу овој трансфер и на крајот челниците на Премиер-лигата ги немаа сите услови да го официјализираат трансферот на Белгиецот пред крајот на преодниот рок.
Сепак, Батшуаи ќе стане нов соиграч на Езгјан Алиоски. Договорен е трансфер во Фенербахче, а негова среќа е што трансферите во Турција можат да се реализираат до 8 септември.
Во некои други земји преодниот период се уште е на сила. Во Белгија ќе трае до 6 септември, а во Чешка, како и Турција, до 8 септември. Отворени се и Португалија и Грција и траат до 22 септември.
Единствено прашање сега е како ќе реагираат навивачите на Бешикташ бидејќи тој реши да игра во редовите на лутиот градски ривал Фенербахче.
