Алваро Мората потпиша четиригодишен договор со Милан. Капитенот на шпанскиот национален тим три дена по освојувањето на Европското првенство разреши уште една голема животна дилема.
Тој се враќа во Серија А, каде во минатото настапуваше за Јувентус.
„Едвај чекам да започнам,“ порача новиот играч на италијанскиот гигант.
Милан ја активираше откупната клаузула од 13 милиони евра која Мората ја имаше во договорот со Атлетико Мадрид и ги договори условите на договорот со шпанскиот напаѓач.
