Младата ѕвезда Адејеми потпишува за Борусија Дортмунд

Германската бундеслигаш Борусија Дортмунд ќе потпише петгодишен договор со напаѓачот на Салцбург, Карим Адејеми. Сè е договорено и недостасуваат само потписи, откриваат германските медиуми.

Целта на тимот од Дортмунд е да обезбеди замена за Норвежанецот Ерлинг Халанд, кој најверојатно ќе си замине ова лето.

Според информациите, 20-годишниот Адејеми ќе заработува 5 милиони евра по сезона, а Борусија за неговите услуги, плус бонуси, ќе плати отштета од 30 милиони евра.