Македонскиот репрезентативец Бојан Миовски ги почна подготовките за новата сезона со Абердин. Тој се опорави од тешката повреда што ја заработи во претпоследното коло од шампионатот на Шкотска.
„Рехабилитацијата оди во добар правец, не верував дека ќе имам толку среќа. Првиот впечаток не беше добар, но по деталните прегледи добив добри вести. Неверојатно е повторно да се трча. Тренирам индивидуално, но наскоро ќе им се приклучам на соиграчите“, вели Миовски.
Миовски беше повреден по еден груб старт во дуелот со Сент Мирен.
