Трансферите на Лионел Меси и Карим Бензема во Саудиска Арабија стануваат сѐ поверојатни. На Аргентинецот и на Феанцузинот им истекуваат договорите со Пари Сен Жермен и со Реал Мадрид, а имаат неверојатни понуди од клубови од Кралството.
Ал-Хилал му нуди на Лео Меси 600 милиони евра годишно, додека шампионот Ал-Итихад го примамува Бензема со 100 милиони евра.
Министерот за спорт на Саудиска Арабија, Абдул Азиз бин Турки Ал-Фејсал, даде одговор со кој уште повеќе ја „запали“ атмосферата.
„Бензема и Меси во Саудиска Арабија? Почекајте клубовите да ги објават официјално“, истакна тој.
Во шампионатот на земјата од Блискиот Исток е и Кристијано Роналдо, кој од зимата е дел од Ал-Наср.
