Полскиот интернационалец Аркадиуш Милик е на чекор до заминување од Неапол. Тој не е во плановите на Џенаро Гатузо, а е многу блиску до трансфер во Олимпик Марсеј. Најголем проблем во преговорите е што раководството на „наполитанците“ бара да биде вметната клаузула тој да не се враќа назад во Италија во наредните три години.
„Преговорите се во прогрес. Лонгорија рече дека е потребно трпение, а постои сериозно добар однос меѓу двете страни“, изјави спортскиот директор на Наполи, Кристијано Џунтоли.
Во наредните денови се очекува Милик да замине на шестмесечна позајмица со обврска за комплетно откупување на договорот.
