Милевски со неколку промени во тимот против Гибралтар

Макфудбал во Гибралтар,

Селекторот на фудбалската репрезентација на Македонија, Благоја Милевски, направи четири промени во составот за денешниот меч против Гибралтар.

Македонија тргнува со Илиев на голот, Тодоровски како десен бек, Серафимов и Муслиу на стоперските позиции, а Езгјан Алиоски како лев бек.

Енис Барди и Стефан Спировски заедно со Бобан Николов ќе играат во средниот ред, а Елиф Елмас, Александар Трајковски и Милан Ристовски во нападот.

Натпреварот меѓу Гибралтар и Македонија се игра на стадионот „Викторија“ во Гибралтар од 18 часот, а судија е Алан Дуро од Луксембург.