Црногорскиот стратег Миљан Радовиќ не издржа многу на клупата на Воска Спорт. Македонскиот прволигаш се реши за спогодбен раскин на договорот откако тимот загуби убедливо, со 3-0 на првото пролетно гостување кај Шкупи.
Воска Спорт промени многу фудбалери и оваа зима, постојано лута со ростерот, а очигледно дека раководството и не трпи порази, па дури и од многу поквалитетни екипи.
Воска е во опасната зона на табелата, се наоѓа на десеттата позиција со 20 бода, два повеќе од Брегалница и од Вардар. Во следното коло Воска на домашен терен го пречекува Силекс.
