Милан го декласира Јувентус со 0-3 среде Торино пуштајќи атомска бомба за еден од најголемите ривали на само три кола до крајот на шампионатот. „Росонерите“ со 72 бода се блиску до пласман во Лигата на шампионите, а „старата дама“ падна на петтото место со 69 бода, еден помалку од четвртопласираниот Наполи.
Тимот на Андреа Пирло оваа сезона е очаен, а тоа се потврди и на дербито со Милан. Брахим Дијаз со одличен погодок донесе водство за Милан на самиот истек од првиот дел, а во второто полувреме мрежата на Шчешни ја погодија и Анте Ребиќ во 78.минута и Фикајо Томори во 82.минута од мечот.
