Милан е подготвен до крај да се бори за скудетото, нема намера да потклекне во вториот дел од сезоната во Серија А. Токму затоа раководството на клубот се обидува да доведе неколку засилувања во тековниот зимски преоден рок, а едно од нив е големо изненадување. Марио Манџукиќ би можел да се врати во Италија и да го облече дресот на Милан.
Стефано Пиоли сака да создаде супер – тандем во нападот, Ибрахимовиќ – Манџукиќ. Можеби се ветерани, меѓутоа се супер-силни и би можеле да му дадат гол на секој ривал.
Покрај Манџукиќ, Милан е во завршни преговори со играчот на Торино, Суалихо Меите, како и фудбалерот на Челси, Фикајо Томори. На чекор до Милан е и талентот на Стразбур, Мохамед Симакан.
