Италијанскиот калчолигаш Милан ќе успее да го ангажира хрватскиот репрезентативец Никола Влашиќ. Раководството на „росонерите“ подолг период се обидува да го доведе одличниот играч за врска на „Сан Сиро“, а Паоло Малдини се чини дека конечно ги договори условите со ЦСКА Москва.
Влашиќ ќе дојде како позајмен играч за претстојната сезона, а Милан на ЦСКА Москва за тоа ќе и плати 10 милиони евра. Потоа „росонерите“ ќе имаат обврска и да го откупат Влашиќ за дополнителни 20 милиони евра.
Милан се обидува да состави респектабилен тим за настап во Лигата на шампионите оваа сезона.
