Милан е фаворит пред Арсенал во трката за напаѓачот на Клуб Бриж, Ноа Ланг, чија вредност се проценува на 30 милиони евра. Според белгиски „Nieuwsblad“, во конкуренција е и Лидс Јунајтед, но „росонерите“ се наведени како најголем фаворит.
Ланг неодамна потпиша нов договор до јуни 2025 година, а Клуб Бриж нема да брза со неговата продажба. Тој оваа сезона игра одлично, постигна четири гола и забележа четири асистенции на 13 натпревари.
Ноа Ланг ги мина младинските категории на Феенорд и на Ајакс, пред да го продолжи својот фудбалски развој во Твенте, а сега и во Клуб Бриж.
Во Белгија, холандскиот интернационалец го споредуваат со Еден Азар поради неговиот неодоливо сличен стил на игра.
