Целиот свој фудбалски живот го мина во Барселона, е сега е приморан да замине од „Камп Ноу“. Барселона е во финансиска криза и се појави нерешлив проблем, клубот не може да го регистрира за новата сезона. Тоа не го дозволува Ла Лига.
Лионел Меси дојде на „Камп Ноу“, на прес – конференција да каже збогум и уште по првиот чекор на бината потекоа солзи.
„Сакав да останам дома, во Барселона, во овој наш дом. Ова е многу тешко да се издржи, јас не сум подготвен за ова. Никогаш не помислував дека ќе заминам на ваков начин. Секогаш мислев дека ќе биде тоа пред преполн „Камп Ноу“, да ги поздравам нашите фанови кои толку многу ме поддржуваа во текот на кариерата“, изјави Меси низ солзи.
